Сергей Харевич Раница ^минус

1 Сонца на ўзыходзе пачынае дзень,
Ладзіцца работа зранку весялей.
Сёння прыйдзе поспех, ды на ўсе гады,
Бо са мною побач верныя сябры.

Прыпеў:
Раніца, раніца,
За табою дзень.
Хто з работай справіцца,
Лепей за цябе?
Раніца, раніца –
Песня, што рака.
Ад зямлі да неба
Наша талака!


2 Хто устане рана, атрымае плён!
Будзе з ураджаем наш агульны дом!
Ад сяўбы вясновай і па сенажаць
Раніца навучыць працу шанаваць.

Прыпеў.

3.Раніца памножыць хатні дабрабыт!
На ручнік кладецца васількоў блакіт,
А да каравая – сцеліцца абрус,
І жыве шчасліва наша Беларусь!

Прыпеў.