Пайшла курка да лісачкі
1.Запрашала ліска курку
Да сябе у госці:
«Выйдзі,цыпка,за рэчаньку,
За кляновы мосцік!»
ПР.:Ля.ля,ля!Ля,ля,ля!
За кляновы мосцік!-2р.
2.А я ж цябе пачастую
Грэчка і шаніцай,
За гарою з крынічанькі
Папаю вадзіцай
ПР.:Ля.ля.ля!Ля,ля,ля!
Папаю вадзіцай!-2р.
3.Падмяла я сцяжыначкі,
Падмяла дарожкі,
Ідзі,курка,ступай смела,
Не паколіш ножкі!
ПР.:Ля,ля.ля!Ля,ля,ля!
Не паколіш ножкі!-2р.
4.Разаслана на узгорачку
Мяккая салома,
Ты ж у мяне заначуеш
Куды лепш,чым дома.
ПР.:Ля,ля,ля!Ля,ля.ля!
Куды лепш,чым дома!-2р.
5.Пайшла курка да лісачкі
За кляновы мосцік-
Засталіся ад курачкі
Кіпцюры ды хвосцік!
ПР.:Ля,ля.ля!Ля,ля,ля!
Кіпцюры ды хвосцік!-2р.
