Երբ կկարդաս նամակս այս, կարծում եմ, որ պիտի զղջաս,
Պիտի զղջաս, պիտի հիշես, տանջանքները, որ տվել ես,
Ու չես կարող նորից ետ առնել,
Կյանք չտեսա ծնված օրից, աչքս բացեցի՝ քեզ տեսա,
Կարծեցի, թե բախտը ժպտաց, ուրախացա, բայց մի պահ էր,
Շատ կարճ տևեց ու անհետացավ։
Որքան անգամ գիշերները անքուն աչքով եմ լուսացրել,
Կամ արթնացել աչքերս թաց, ամենուր փնտրել եմ, չկաս,
Մնացել եմ, ախ, միայնակ
Մի փորձիր ինձ փնտրել նորից, հեռանում եմ այս աշխարհից,
Սիրտս այրող սիրո վերքերից (x2)
Եթե կյանքում մեկին սիրես, այնպես արա չսխալվես,
Չար խոսքերին տես չխաբվես, սերը սուրբ է, մարդիկ չար են,
Պետք չէ մեր սերը խորտակել
Իսկ թե հանկարծ զղջաս մի օր, շիրիմիս գաս մտամոլոր,
Պետք չէ նորից արցունք թափել, ուշ է արդեն, չես բերի հետ,
Այդժամ կզգաս, թե ինչ ես արել
