ქალო ხარაგაულელო
ქალო ხარაგაულელო, ცისარტყელა გაუშლელო.
ანკარავ და წყაროს თვალო, იასავით დაუცველო.
სარგვეშის თასს ღვინით ვავსებ, შენთვის შენდა სადღეგრძელოდ.
გულის დარდებს გამიქარვებს, მაგ წამწამთა გრილი ჩერო.
ვარსკვლავებში ერთად ერთო, ჩრდილში კოკორ გაუშლელო.
სილამაზე მხიბლავს შენი, ქალო ხარაგაულელო.
მირონ წმინდას მოვილოცავ, შენი ფუძის სადღეგრძელოდ.
უბისაში სანთლებს ვანთებ, რომ სიცოცხლე გაგიგრძელო.
იმერეთის მასპინძელო, ლამაზო და მშვენიერო.
ყველასათვის საყვარელო, ქალო ხარაგაულელო-2ჯ
წიფის გვირაბს გადმოვლახავ, კახორზე რომ გავათენო.
რკინის ჯვარზე გავშლი კარავს, ვარსკვლავებს რომ მოვეფერო.
მზიან ღამეს გაგითენებ, ყვავილივით დაუცველო.
ლომის ბოკვრებს გვერდს მოგისხამ, ქალო ხარაგაულელო.
იმერეთის მასპინძელო, ლამაზო და მშვენიერო.
ყველასათვის საყვარელო, ქალო ხარაგაულელო-2ჯ
