Сезім толқыны, жағалауға соғады күн сайын,
Сағынып сені, елеңдеумен үдеді уайым.
Бақыт аралы, ғашықтардың мәңгі мекені
Өзіңді сүйіп өтемін, бағыма құшағым дайын.
Ғашық хаттарын, ақ бұлттармен жолдаймын саған,
Арман ақ таңым, арайланып көрінші маған.
Жауабын берші, махаббаттың азабын төкпей
Жауындай төгіліп өтші, сезіммен жуылсын ғалам.
Соқса да дауыл, өзіңменен біргемін жаным,
Жолдарды ауыр, төзімменен сүргенмін жаным.
Қолымнан ұста, бере алмаймын сені өзгеге
Мен саған анық сөз берем, өмірде жалғыз сен барым.
Сыңар аққуым, жүзейікші бір көлде сұлу,
Менің шат Күнім, күлімдеші төгілсін жылу.
Өзіңмен бірге аттанамын бақытты күйге,
Өтінем басқаны сүйме, болайық мәңгілік бірге.
