Արծաթ շողով, հարսի քողով
Ելավ լուսնկան...
Ձեր տան կողքով, սրտի դողով
Կերթամ ու կուգամ:
Երգով սրտիդ դուռն եմ թակում
Կարոտ քո դեմքին,
Թե չես գալու, գոնե թաքուն
Ականջ դիր երգիս:
-
Կանցնեն զույգեր ուրախ դեմքով,
Օրոր ու շորոր...
Ա՛խ, ի՜նչ մեղք եմ ես իմ տեսքով`
Մենակ ու մոլոր:
Աստղերի մեջ լուսնի նման
Սիրուս կսպասեմ,
Իմ արևը դու ես միայն,
Մի՛ թող ինձ անսեր:
Ջահել սիրտս խորովել է
Նազը իմ յարի,
Ափսոս հետս խռովել է,
Սիրտս կմարի... (2)
Աստղերի մեջ լուսնի նման
Սիրուս կսպասեմ,
Իմ արևը դու ես միայն,
Մի՛ թող ինձ անսեր:
Երգով սրտիդ դուռն եմ թակում
Կարոտ քո դեմքին,
Թե չես գալու, գոնե թաքուն
Ականջ դիր երգիս:
-instr
Ջահել սիրտս խորովել է
Նազը իմ յարի,
Ափսոս հետս խռովել է,
Սիրտս կմարի... (2)
Աստղերի մեջ լուսնի նման
Սիրուս կսպասեմ,
Իմ արևը դու ես միայն,
Մի՛ թող ինձ անսեր:
Երգով սրտիդ դուռն եմ թակում
Կարոտ քո դեմքին,
Թե չես գալու, գոնե թաքուն
Ականջ դիր երգիս:
Ականջ դիր երգիս:
