Бишмәтеңдә синең, ай, биш төймә,
Нигә төймәләмисең?
Аралар да безнең, ай, ерак түгел,
Нигә килгәләмисең?
Кашың кара, кашың кара,
Күзең дә кара синең.
Кара күзеңә карасам,
Йөрәгем яна минем.
Алма бакчасының юлы
Тәрәзәләргә туры.
Әллә сиңа бирелдеме
Бөтен дөньяның нуры?!
Карлыгандай кара, ай, күзләрең,
Бөрлегәндәй йөзләрең.
Шикәрләрдән тәмле, ай, балдан татлы
Сөям дигән сүзләрең.
Кашың кара, кашың кара,
Күзең дә кара синең.
Кара күзеңә карасам,
Йөрәгем яна минем.
Алма бакчасының юлы
Тәрәзәләргә туры.
Әллә сиңа бирелдеме
Бөтен дөньяның нуры?!
