Yamle Таң җыры ^{Ожидает модерации}

Күтәрелә томан
Бишек җыры сыман
Агыла моң таңнар атканда

Тыңлыйм таңның җырын
Туган якның моңын
Чыңлап чишмәләре акканда

Балачагым иле
Ямьле инеш күле
Җиләкле аланым хуш исе

Тугайларын гизеп
Суларыңда йөзеп
Эх! синдә генә яшисе

Ак дулкыннар уйный
Күңел сөенеп туймый
Тәүге нурлар күлгә сибелә

Талпындырдың ничек
Түзим яшел бишек
Тагын синдә, синдә тибрәләм

Тугайларын гизеп
Суларыңда йөзеп
Эх, синдә генә яшисе
Эх, синдә генә яшисе
Эх, синдә генә яшисе