1. Не кружыся, мой каханы, ля вакон,
Не трывож ты мне кароткі летні сон.
Сунімі сваю тальянку, не іграй,
Не гукай на пагулянку, не гукай.
Бацька строгі, маці строгая мая,
Не пускаюць ночку вабіць мне да дня.
Можа толькі на імгненьенька адно
Да цябе я выйду ціха праз акно.
ПРЫПЕЎ:
Не гукай на пагулянку, не гукай,
Праспявай мне калыханку і бывай.
Пагуляем заўтра, мілы, мы з табой
Надвячоркам сінякрылым над ракой.
2. Хоць і рвецца да цябе мая душа,
Не магу я забароны парушаць.
Можа толькі на хвіліначку адну
У твае нябёсы-вочы зазірну.
Бацька строгі, маці строгая мая,
Не пускаюць ночку вабіць мне да дня.
Можа толькі я з табою міг адзін
Палюбуюся на ясны маладзік.
