Майя Астанкович Пчолка ^минус

Пчолка (Д.Останьковіч, Я.Журба)

Веснавое сонца
 Росы падбірае.
Вылецела ў поле
 Пчолка залатая.

Ёй за шчырай працай
 Весела на полі:
Луг прыбраны ў кветкі
I наўкол раздолле.

Прыпеў:
З ранку да змяркання
 Пчолка залатая
 Лётае па кветках
 Ды мядок збірае.

Шмат сабрала пчолка
 Мёду з розных кветак, —
Дома ім пакорміць
 Родных пчолак-дзетак.

У вуллі работа
 Цэлы дзень кіпела.
Вечарам з дабычай
 Пчолка прыляцела.

Прыпеў: той жа