1.Язмышыңны яктыртырлык йолдыз
Булып яна алам, әгәр янсаң.
Күзләреңне яшермә әле миннән,
Яңгыр булып керфегеңә тамсам.
Кушымта:
Таңда җылы җилләр булып,җилләр булып исеп
Күңел болытларың таратырмын.
Бу җирдә, бу җирдә, соңгы сулышкача
Сине генә, сине, яратырмын.
2.Чуалтмаска язмыш йомгакларын
Араларга шуышканда томан.
Сине миңа илтер сукмакларда
Эзләреңне үбәр яфрак булам.
Кушымта:
Таңда җылы җилләр булып,җилләр булып исеп
Күңел болытларың таратырмын.
Бу җирдә, бу җирдә, соңгы сулышкача
Сине генә, сине, яратырмын.
3.Бураннарда кар бөртеге булып
Мин явармын сине акка күмеп.
Еллар аша барам инде үзем
Синең җан җылыңа әверелеп.
Кушымта:(2 тапкыр)
Таңда җылы җилләр булып,җилләр булып исеп
Күңел болытларың таратырмын.
Бу җирдә, бу җирдә, соңгы сулышкача
Сине генә, сине, яратырмын.
Сине генә, сине,яратырмын.(2 тапкыр)
