Ես կպատմեմ մի պատմություն
Մի շատ փոքրիկ հողի մասին,
Բայց փոքր չէր հողը այդ սուրբ,
Թշնամին էր մեր ագահ, անկուշտ։
Դավի միջով, ցավի միջով
Հողն այս երկնեց հայ ժողովուրդ,
Քարը ճեղքեց բազկի ուժով,
Խաչ ու ծաղիկ տնկեց սիրով։
Կրկներգ 2*
Հայաստանում ու Արցախում
Իր նորածնին մայրը պիտի
Մարտի երգով օրոր երգի,
Խաչը գլխիդ պաշտպան լինի,
#ՀաղթելուԵնք , բալե՛ս, քնի։
Աճեց որդին ու մեծացավ,
Արդարության զինվոր դարձավ,
Պարտք համարեց կյանքը զոհել,
Անմահության գահին նստել։
Պատվի համար, ազգի համար
Հողն իր չարին էլ չզիջել,
Երեք գույնով դրոշ ներկեց,
Ազգ ու բանակ իրար ձուլեց։
Կրկներգ
Հայաստանում ու Արցախում
Իր նորածնին մայրը պիտի
Մարտի երգով օրոր երգի,
Խաչը գլխիդ պաշտպան լինի,
#ՀաղթելուԵնք…
Դարը նստեց դարի ուսին,
Բայց չփոխվեց մեր թշնամին,
Պապը, որդին, թոռը կրկին
Պայքարում են ուս ուսի։
Կրկներգ 2*
Հայաստանում ու Արցախում
Իր նորածնին մայրը պիտի
Մարտի երգով օրոր երգի,
Խաչը գլխիդ պաշտպան լինի,
#ՀաղթելուԵնք , բալե՛ս, քնի։
