Սուրբ հողդ մտան, որ քեզ տրորեն,
Հացդ հող շինեն ու ջուրդ արյուն,
Որդիքդ ուժեղ նոր ուժ ստացան
Ու պայքարեցին մինչեւ մարտի վերջ:
Հեյ ջան, անուշ Ղարաքիլիսա
Սարերիդ նման հպարտ ու հզոր
Սարդարապատով, Բաշ Ապարանով
Դու հերոս քաղաք Ղարաքիլիսա:
Կռվեցիր այստեղ քո լեռնականով
Եվ քո գյուղացով Մայմեխդ վկա
Որ Հայաստանը պետություն դառնա
Դու էլ նորօրյա Վանաձոր մնաս:
Կոտրած եկեղեցին է քո վկան
Ղշլաղի հերոս տղերքը ընկան
Անմեղ զոհերիդ անունը վկա
Որդիքդ այստեղ սուրբ երդում կտան: