Өткен күндер
Албырт жастық ап қашты
Айналаға қаратпай.
Артта қалды көп күндер
Аударылған парақтай.
Келер күнге сабақтай
Өткен күндер-ай,
Арман-ай, жалған-ай, қалғаны-ай,
Секілді бір таңғы арай,
Жүрек от боп жанғаны-ай,
Қайта оралып келмейтін
Өткен күндер-ай.
Қанатымен қаз-үйрек
Суға сурет салғандай.
Қатар жүрген күндерді
Аңсаймыз біз армандай.
Мөлдір моншақ тамғандай,
Өткен күндер-ай,
Арман-ай, жалған-ай, қалғаны-ай,
Секілді бір таңғы арай,
Жүрек от боп жанғаны-ай,
Қайта оралып келмейтін
Өткен күндер-ай.
Қайырмасы:
Ағады өмір арнасын керіп,
Салуға сайран бермейді ерік.
Өткенді аңсап, мұңайма жібер,
Тоқтама, жүрек, соға бер үдеп.
Албырт жастық ап қашты
Айналаға қаратпай.
Артта қалды көп күндер
Аударылған парақтай.
Келер күнге сабақтай
Өткен күндер-ай,
Арман-ай, жалған-ай, қалғаны-ай,
Секілді бір таңғы арай,
Жүрек от боп жанғаны-ай,
Қайта оралып келмейтін
Өткен күндер-ай.
Қайырмасы:
Ағады өмір арнасын керіп,
Салуға сайран бермейді ерік.
Өткенді аңсап, мұңайма жібер,
Тоқтама, жүрек, соға бер үдеп.
Секілді бір таңғы арай,
Жүрек от боп жанғаны-ай,
Қайта оралып келмейтін
Өткен күндер-ай.
