Александр Георгиевич Осипов Катшасинъяс (ромашки) ^минус

Коркö узьланныд он, катшасинъяс,
Мыйла восьсаöсь пыр тіян синъяс?
Менö пыр сöмын ті дінö нуö,
Лыдтöм дзоридзöн тыр Коми муö.
Катшасинъяс,
Катшасинъяс,
Мыйла восьсаöсь пыр тіян синъяс?

Эмöсь лунвылын мичаджык муяс,
Сэні кывтöны визувджык юяс.
Сöмын мыйлакö пыр медся матыс
Эзысь лысваöн дзирдалысь асыв.
Катшасинъяс,
Катшасинъяс,
Мыйла восьсаöсь пыр тіян синъяс?

Уна сьыланкыв татысь ми кывлім,
Кодöс сиöны радейтан нывлы.
Ловъя дзоридзысь мый бурыс сюрö
Сылы пуктыны кудриа юрö.
Катшасинъяс,
Катшасинъяс,
Мыйла восьсаöсь пыр тіян синъяс?