Бездә биек таулар бар ла,
Тау астында таллар бар;
Талда яфрак, миндә сагыну,
Сездә нинди хәлләр бар?
Талда яфрак, миндә сагыну,
Сездә нинди хәлләр бар?
Тау астында салкын чишмә.
Агып төшә улакка;
Сагынуымны әйтер идем,
Җил дә исми ул якка.
Сагынуымны әйтер идем,
Җил дә исми ул якка.
Алмалар өзәр идем лә,
Бауларга тезәр идем;
Янмаса бу йөрәккәем,
Сагынуга түзәр идем.
Янмаса бу йөрәккәем,
Сагынуга түзәр идем
Салкын чишмә буйларында
Атлар эчерсәң иде;
Туган-үскән илләреңдә
Гомер кичерсәң иде.
Туган-үскән илләреңдә
Гомер кичерсәң иде.
