(Кылъёсыз - Александр Белоногов, крезьгурез - Петр Симанов)
Ми тиледыз куное отимы,
Ми тиледыз куное отимы.
Чош тиледын пукыны,
Мозмеммес буйгатыны, Маин ке но пичияк утялтыны...
Маин меда , ой, куно каромы,
Маин меда, ой, куно каромы?
Утялтом, дыр, табанен яке, оло, пельнянен,
Нош тросгес, дыр, сюдомы вераськонэн.
Мар юыса шулдырмоз мылкыдды,
Мар юыса шулдырмоз мылкыдды?
Чай, сюкась но лимонад пуктомы ми ти понна,
Шомъятэммы но потоз чуплес вина.
Эн пайме, мар каромы шуыса
Эн пайме, мар каромы шуыса,
Вае дэмен кырзалом, эктыса но утчалом,
Ог-огмес, дыр, асьмеос зеч валалом.
Ми тилесьтыд кудзытом сюлэмдэс,
Верамы ке зеч кылмес,
Возьматим ке гажанмес, Ог-огмылы ке сетим вань мылкыдмес.
Мед бертоды ти бакель луыса,
Мед бертоды ти бакель луыса,
Нош ик мед ти вуоды,
Ми но мыном дорады, Оло, озьы шулдыргес уломы...
#СимановПетр
