Ұлықпан Жолдасов ** Шаттығым **
1.Сағыныш күйі жанымды тербеп самсаған,
Бақ гүлім сенсің, шаттығым сенсің аңсаған.
Пәнидің жарық сәулесі сөніп біткенше,
Өзіңді сүйіп өзіңді жыр ғып ән салам.
Көзіңді байлап тұрса да қанша мұнар күн,
Сәулесін шашып көгімде күн боп тұрармын.
Тілегі лебіз, жүрегі егіз жаралған,
Нәр алған сенің махаббатынмен сыңармын.
қайырмасы:
Сен жүрген жермен жүргім келеді,
Сен көрген түсті көргім келеді.
Сен сүйген әнді ғашығым менің,
Өзіңмен бірге салғым келеді.
2.Аймалап аппақ жүзіңді самал ескенде,
Көзіңді жұмып ғаламат сезім кешкенде.
Мен сені сүйдім сен мені солай сүйе алсаң,
Махаббат қылын үзе алмас еді-ау еш пенде.
