« Құтты болсын Наурыз»
Әні:Ж.Түкібаевтікі өлеңі:А.Сопыбековтікі
1.Таудан бұлақ сылдырлап,
Бар атырап жайнаса.
Құлыншақтар құлдырап,
Қозы-лақтар ойнаса.
Күн жылуын береді,
Жер жадырып жасайды.
Жаңбыр иісі келеді,
Наурыз дейміз осы айды.
Қ-сы:Төл қаптасын қыр басын,
Дихан қарап тұрмасын.
Жексін соқа тырмасын,
Қыдыр болсын жолдасың.
Құт бұлағы тынбасын,
Ырза болсын сырласын.
Ақын жүрек жырласын,
Құтты болсын ағайын,
Наурыз көктем жыл басың.
2.Хош иісті қарағай,
Алма,өрік гүл жарса.
Тамылжыса бар маңай,
Бұлбұл құстар сайраса.
Ала қарда кетеді,
Жердің тоңы босайды,
Гүлге толған етегі,
Наурыз дейміз осы айды.
3.Жота жондар көгеріп,
Тас-төбеден күн қызған.
Мал соңынан төл еріп,
Желіндері жер сызған.
Үрпісінен желіннің,
Тамшылаған сары уыз,
Жаңа түскен келіннің,
Бетін ашқан Наурыз!
