Татар халык җыры
Су буена төшкән идем,
Су өсте күбек кенә;
Син бит минем якын дустым,
Күз нурым кебек кенә.
Ай, матур гөл генә,
Бакчаларда бер генә;
Чын күңелдән яратканым
Дөньяларда син генә.
Бакчаларга керү белән,
Гөл-чәчәкләргә кара;
Зәңгәр чәчәк мин булырмын,
Ал да түшеңә када.
Зәңгәр чәчәк ата торган
Гөлләр дә була икән;
Дөнья булгач, бик сагынган
Көннәр дә була икән.
Ай, матур гөл генә,
Бакчаларда бер генә;
Чын күңелдән яратканым
Дөньяларда син генә.
Бакчаларга керү белән,
Гөл-чәчәкләргә кара;
Зәңгәр чәчәк мин булырмын,
Ал да түшеңә када.
Зәңгәр чәчәк аткан, диләр,
Түшеңә кадар идем;
Яннарымда гел син булсаң,
Туктаусыз карар идем.
Ай, матур гөл генә,
Бакчаларда бер генә;
Чын күңелдән яратканым
Дөньяларда син генә.
Бакчаларга керү белән,
Гөл-чәчәкләргә кара;
Зәңгәр чәчәк мин булырмын,
Ал да түшеңә када.
