1.Мақтаныш мәртебелім, еңселі қарт еменім,
Қайыспас қара қайың, майыспас нән терегім.
Өмірдің дауылдарын, қасқайып қабылдадың,
Лапылдап жанар таудай, жас кезде жалындадың.
Ал бүгін қандай ғажап, ағыңнан жарылғаның,
Тойыңа келіп жатыр, ағайын-бауырларың.
Қ / сы:
Мерекеңіз, думаныңыз
Шалқысын шарықтасын.
Мерей тойда жыр - әніміз,
Аққудай қалықтасын.
2.Айбыным, асқаралым, жаныңда дос жараның,
Қарайлап сен отырсың, халқыңның қас қабағын.
Жарқырап ақ маңдайың, жұлдызың жанғандайын,
Ел жұртың алақанға, аялап алғандайын.
Аңсаған бақыт құсың, қолыңа қонғандайын.
Мен қалай тербелмейін, мен қалай толғанбайын.
Қ / сы: сазды әуен.
3.Алдыңда алты алашың, ағайын арқада шың,
Қызығың таусылмасын, тамашаң тарқамасын.
Кешегі жалын жасын, кім бүгін сағынбасын,
Үлгің мен өнегеңді, ұрпағың қабылдасын.
Жайлауда құлагерің, жаныңда мұрагерің,
Өзіңе ұзақ өмір, тілейді мынау елің.
Қ / сы: } 2рет.
