Alisher Fayz Уйнасин онам ^минус

ДАВРАЛАРДА ЎЙНАСИН ОНАМ

Бахту давлат, бошимдаги тож,
Куй аланга, янграр “Дилхирож”,
Фариштадек ёйиб қирқ қулоч,
Давраларда ўйнасин онам.

Болам дебон бўлар фидоий 
Орзулари покдир, самовий,
Ёруғ юзлигим, гўзал, нуроний,
Давраларда ўйнасин онам.

Бўл, укажон, қўрқмас, баҳодир 
Она дуоси ҳар не-га қодир,
Хизматида бўлойин хозир,
Давраларда ўйнасин онам.

Сўзи учқур, нафаслари ўқ,
Юрагида тафти сўнмас чўғ.
Бошим эгиб, қилайин қуллуқ,
Давраларда ўйнасин онам.