Бар сұлулық бір өзіңнен табылғандай
Жанарыңнан жап-жарық күн шағылғандай
Нұрлы бейнең көктемнің көк күніндей боп
Күміс күлкің бұлақ боп ағылғандай...
Қайырмасы:
Әдемісің қарындас әдемісің
Сұлулықтың ғажайып әлемісің
Қарай бергім келеді қарай бергім
Білемісің ару қыз білемісің
қ/с:
Арманы боп әр жігіттің қалсаң бе екен
Ақ ниетпен адал сөзге нансаң екен
Саған деген ақ тілегім орындалып
Құтты ұяңа бақыт болып қонсаң екен
қ/с:
Көз жанарың жастан алқа тағынбасын
Бар өмірің атқан таңдай жалындасын
Бұл Жаратқан жарылқаудан жаңылмасын
Тек жаныңда бойтұмар боп әнім қалсын
қ/с:
