Лилия Шакирова Яратырмын ^{Ожидает модерации}

1. Яшәвеңне беләм эчкә йотып яраң,
Кабатлыйсын хаман: "Сөю үзе ялган!"
Яраларга ямау кайдан табыйм? -дисең.
Яннарыңда йөрим, нигә соң күрмисең?

Яраларың белән куеныма кысам.
Яраларың белән яратырмын, ышан.
Тормышыңны бер көн үзгәртермен.
Яраларың белән сөеп төзәтермен

2. Яраларың тирән,әрни,сыкрый,беләм.
Бар өметем җыеп, тагын сиңа киләм.
Сиңа да бит терәк, кирәк җылы сүзләр.
Җандагысы сөйли миңа баккан күзләр.

3. Яралангач никтер ышанычлар кими.
Күңел күзе йомык, башкаларны күрми.
Кышлар үткәч кабат килә чәчкә язлар,
Кабат туа хисләр, кабат туа назлар.