თბილის ქალაქს გაუმარჯოს თავის ყველა უბნებითა,
ნაღდ თბილისელს გაუმარჯოს პურ-მარილით, სტუმრებითა
მეფეთ უბანს გაუმარჯოს ავლაბარს და ორთაჭალას,
მთაწმინდას და ვერა-ვაკეს, საბურთალოს და ავჭალას.
ნახალოვკას გაუმარჯოს, დიდუბეს და ელიასა
ოქროს უბანს, ხარფუხს-დიღომს, პესკებსა და მეიდანსა
გაუმარჯოს ქრისტე ღმერთსა, ჩვენი მომავლის იმედსა,
ბიჭებსა და გოგოებსა-ვენაცვალე- პატარებსა.
სოლო
ეკლესიას გაუმარჯოს ოჯახსა და ნათესავსა
იმ თბილისელს გაუმარჯოს ვინც სიკეთეს დათესავსა
ვინც თბილისში სწორად დადის გაუმარჯოს იმათ ღმერთსა,
ვინც აქედან არსად გადის ვენაცვალე მათ დედებსა
გაუმარჯოს თბილის ქალაქს, იმის სიყვარულის მარაგს,
მრავალ ენაზე ლაპარაკს ჩვენ სალოცავ წმინდა ალაგს
ყველა ქართველს გაუმარჯოს, ყველა სომეხს, ყველა რუსსა,
ებრაელს და უკრაინელს, თათარს, აისორს და ქურთსა
სოლო.
ყველა კარგ კაცს გაუმარჯოს, თავის სტილის ცხოვრებითა,
საქართველოს გაუმარჯოს ახლობელ მეგობრებითა
ვინც თბილისის სახელს არცხვენს, ისე დაწვეს ვეღარ ადგეს
ვისაც გული არ შეტკივა, რომ ქალაქი ფეხზე დადგეს.
კიდევ მინდა ვადღეგრძელო იეთიმ გურჯი, საიათნოვა.
გაჭირვება ჩაივლის და ივის მერე ლხინი მოვა
დაჭკნა ვარდი გაფურცქნული და ბულბულმა იწყო გლოვა
ვახ ბულბულ არ იტირო არ იტირო გენაცვალე გაზაფხული ისევ მოვა
