Цячэ вада ў ярок
Цячэ вада ў ярок, цячэ вада ў ярок,
Кладачку занясло.
Кладачка тоненька, вада халодненька,
А я малодзенька.
Вочы мае чарны,вочы мае чарны,
Чаго вы косіце?
Бо яго тут няма,бо яго тут няма,
Каго вы любіце.
Бо яго тут няма,
Іванка не прыйшоў,Іванка не прыйшоў,
Я да яго пайду.
Вадзіцы з крыніцы, вадзіцы з крыніцы
Яму я аднясу.
Вады піць не буду, вады піць не буду,
Вадзіца халодна.
Люблю Марусю я,люблю Марусю я,
Маруся – суджана.
Цячэ вада ў ярок,цячэ вада ў ярок,
Кладачку занясло.
Кладачка тоненька, вада халодненька,
А я малодзенька.
