Sənə qurban, ay oğlan,
Mənə versən hay, oğlan!
Gəzdim eli-obanı,
Yoxdur sənə tay, oğlan!
Nəqərat:
Əzizim yarımgilə,
Dərman ver yarım gilə.
Ürəyim quş tək uçur
Getməyə yarımgilə.
Qaşları kaman, ay qız,
Əymə, gəl, aman, ay qız!
Vədə verib gəlməsən,
Ollam bəd-güman, ay qız!
Köynəyi yaşıl, oğlan,
Geyin – yaraşır, oğlan!
Gəlmə bizim məhləyə,
Anam dalaşır, oğlan.
Zarafat versiya:
Əzizim yaza həsrət,
Aşiqəm, naza həsrət,
Odlar diyarındayıq,
Qalmışıq qaza həsrət.
Nəqərat:
Əzizim, yarımgilə,
Gedəydim yarımgilə,
Qalmışıq suya həsrət,
Su gəlmir yarım gilə.
Əziziyəm, o dinmir,
Nə danışır, nə dinmir,
Bələdiyyə seçmişik,
İşi nədir, bilinmir.
Advertisements
REPORT THİS AD
Əziziyəm, düyündür,
Toy-bayramdır, düyündür,
Hər gün işıqlar sönür,
Bilmirəm, nə düyündür.
**
