Сағындың ба сен мені,
Жыл құстары келгелі.
Қанатынан табылар,
Сағыныштың емдері.
Сағындың ба сен мені,
Көктем дерек бергелі.
Қыраттарға шығушы ек,
Қызғалдағын тергелі.
Қайырмасы:
Елесі боп табылдың,
Арман қуған шағымның,
Оралмасын білемін бағымның.
Сағындың ба сен мені,
Мен де сені сағындым,
Сағындым!
Сағындың ба сен мені,
Жан сырымды сезгелі.
Ыриясыз кездер-ай,
Іздемейтін өзгені.
Сағындың ба сен мені,
Сол бала қыз зерделі.
Бақытты етер өмір бұл,
Сағынышпен пендені.
Қайырмасы:
Елесі боп табылдың,
Арман қуған шағымның,
Оралмасын білемін бағымның.
Сағындың ба сен мені,
Мен де сені сағындым,
Сағындым!
