Անասելի մի նոր զգացմունք ապրեցի,
Երբ առաջին անգամ քեզ համբուրեցի,
Անծանոթ էր իմ սրտին այդ նոր սերը,
Որ նվիրել էր ինձ երկնային տերը,
Քո անուշ բուրմունքից շունչս կտրվեց,
Ինչ լավ է, որ տերն այս սերը արարեց,
Աշխարհի ամենա անմեղ հայացքից,
Սիրտս վարարեց,
Երջանկությունը մեզ օրորեց:
-Իմ սիրուց ծնված դու մի նոր սեր ես ,
Ամեն ինչից վեր ես,
Քո սրտիկը իմ նոր տունն է , ուր ապրում եմ ես,
Սիրում եմ քեզ անսահման շատ սրտիս կես,
Իմ արև իմ լուսերես,
Ուզում եմ այս օրվա պես երջանիկ տեսնել քեզ :
Թող լինի քեզ հետ աղոթքս հավիտյան,
Որ անհոգ լինեն օրերդ մանկության,
Որ գա օրը ,տեսնեմ քեզ հարսի շորով,
Ու տեսնեմ քեզ նոր ձեռքերում ապահով,
Իմացիր ինչքան էլ, որ դու մեծանաս,
Մեկ է ,էլի իմ փոքրիկը կմնաս,
Ուզում եմ սիրով լի աչքերով փայլես,
Ու միշտ դալարես,
Ու մենակ ճիշտ քայլեր կատարես:
- Իմ սիրուց ծնված դու մի նոր սեր ես,
Ամեն ինչից վեր ես,
Քո սրտիկը իմ նոր տունն է ,ուր ապրում եմ ես,
Սիրում եմ քեզ անսահման շատ սրտիս կես,
Իմ արև ,իմ լուսերես,
Ուզում եմ այս օրվա պես հավիտյան տեսնել քեզ:
Ամեն ինչ կանեմ քեզ համար արևս,
Որ քեզ հետ չմոռանամ քաղցր բարևս,
Որ տեսնես անամպ ու ջինջ երկինք դու գանձս,
Այս ամենն է պահած երազանքս ...
