ՀՈՎ ԳԻՇԵՐ, ԶՈՎ ԳԻՇԵՐ
Լուսնի շողը պատուհանից ներս ընկաւ,
Բայց այդ շողից՝ իմ սիրածի շողն է լաւ.
Ողջ աշխարհը մուշ-մուշ անուշ քնել է,
Անքուն սիրտս սիրած եարիս ձայն տուաւ:
Հով գիշեր,
Զով գիշեր,
Սէր եմ երգում.
Լուսինը լողում է
Երկնքում:
Չես մոռանայ գուսան Աշոտ անունս,
Միշտ դալար է, ձմեռ չունի գարունս.
Երգ հիւսելն է իմ հանգիստս, իմ քունս,
Սիրոյ երգս աշխարհը թող իմանայ:
Հով գիշեր,
Զով գիշեր,
Սէր եմ երգում.
Լուսինը լողում է
Երկնքում:
ԳՈՒՍԱՆ ԱՇՈՏ
