Анай десем, ананай
Анай десем, ананай.
Сен болмасанг ярамай. (2 керен)
Сен болмагъан ерлеге
Мени гёзюм къарамай. (2 керен)
Ва, гьавлагъа, гьавлагъа,
Гирме бизин бавлагъа.
Гирсенг де къуваларман
Къазикъумукъ тавлагъа.
Арив, аривмю, яным?
Сюйген аривмю, яным? (2 керен)
Бир сюйгени болмаса,
Тойгъа барырмы, яным? (2 керен)
Ва, гьавлагъа, гьавлагъа,
Гирме бизин бавлагъа.
Гирсенг де къуваларман
Анди деген тавлагъа.
Ат миндим айман тюзде,
Атым чайдым денгизде. (2 керен)
Ай булутгъа гиргенде,
Айланырман мен сизге. (2 керен)
Ва, гьавлагъа, гьавлагъа,
Согъан чачар бавлагъа.
Оьлгенлер сени алмас,
Мен де къойман савлагъа.
