1.Бұл өмірдің таусылар ма ғажабы,
Ғажабымен қатар тұрар азабы.
Біреу сенің жүрегіңді жаралап,
Біреу сенің жан жараңды жазады.
Қ-сы:
Өмір өмір өмір солай амал жоқ
Бұл өмірді түсінбейтін адам көп
Бірақ бірақ ақ сүт берген анадан
Еш бір адам туылмайды жаман болып
2.Болсадағы өзгелермен иық тең,
Құтылмассың күйдіргі мен күйіктен.
Біреу сені құрметтесе көтеріп,
Біреу сені құлатады ау биіктен.
3.Өтер өмір бір-біріне сеп болып,
Ашуыңды көрсеткенмен кектеніп.
Біреу сені жақсы көрер құлшынып,
Біреу сені жүрер сырттай жек көріп.
Өмір солай көндіреді ырқына,
Асау мінез танытсаң да жұлқына.
Біреу сені ақтап алып жатқанда,
Біреу сенің күйе жағар сыртыңа.
Айтшы, Өмір, кімнен енді бұл кінə?
