Музыка Уладзіміра Будніка Верш Кастуся Кірэенкі
Не прыдумала сама,
Што са мной здарылася:
З працы сёння йшла дамоў
I з дарогі збілася.
Мне б ісці каля ракі, —
Я ж пайшла дубровай,
Галаву маю кружыў
Пах чабаровы.
Прыпеў:
Я ішла ўсё ды ішла,
Аж пакуль стамілася,
i не ведаю сама,
Як з Ігнасем стрэлася.
А Ігнась жа — ён са мной
Ды такі суровы…
Не кружы мне галавы,
Пах чабаровы!
Хлопец глянуў на мяне —
Я аж здрыганулася.
Але што са мной? Чаму
Да яго схінулася.
I чаму так мілы мне
Прывітання словы?
Кружыць, кружыць галаву
Пах чабаровы!
Прыпеў.
Неба ззяла над зямлёй
Яркай вечарніцаю.
Доўга мы сядзелі з ім,
З любым, над крыніцаю.
Толькі ціхія дубы
Чулі нашы змовы…
Ой, вясна мая, вясна,
Пах чабаровы…
Прыпеў.
Што скажу матулі я,
Як часінай позняю
Я з’яўлюся перад ёй,
Ласкава і рознаю.
Што скажу, схаваю як
Водар той дубровы?
Аж у хату прынясла
Пах чабаровы…
