Quanno spònta la luna a Marechiare
Pure li pisce nce fann'a l’ammore.
Se revòtano l’onne de lu mare.
Pè la prièzza càgneno culore,
Quanno spònta la luna a Marechiare.
A Marechiare nce sta na fenesta.
La passione mia nce tuzzulèa.
Nu garofano addora ’int’a na testa.
Passa l’acqua pè sotto e murmulèa,
A Marechiare nce sta na fenesta.
Ah!...Ah!...A Marechiare, A Marechiare
Nce sta na fenesta.
Chi dice ca li stelle sò lucente
Nun sape st’uocchie ca tu tiene ’nfronte.
Sti doie stelle li saccio io solamente
Dint’a lu core ne tengo li pònte.
Chi dice ca li stelle sò lucente?
Scètate, Caruli, ca l’aria è doce
Quanno maie tanto tiempo aggi’o aspettato.
P’accompagnà li suone cu la voce,
Stasera na chitarra aggio portato.
Scètate, Caruli, ca l’aria è doce.
Ah!...Ah!... Ah! scètate Ah! scètate
Ca l’aria è doce.
