Անխոս ու լուռ մենակ կերթաս ինչ ասեմ
Ուր ես գնում դու իմ հոգյակ նազե նազ
Ես անհամբեր ճանապարհիդ կսպասեմ.
Դու անցնում ես հազար տեսակ
Նազե նազ նազե նազ,
Ինձ տեսնելիս փախչում ես յար
Վազե վազ, վազե վազ։
Դու մի աստղ ես երկնուց իջաց լուսաշող
Հողածին չես, որ չես սիրում երգ ու տաղ
Վառ գարուն է, նոր է բացվել վարդաքաղ.
Պարտեզ կերթաս դու իմ հրեշտակ
Նազե նազ նազե նազ,
Ինձ տեսնելիս փախչում ես յար
Վազե վազ, վազե վազ։
Դու Հավասուդ երգին լսիր իմ սիրուն,
Երբ փունջ կապես ծաղիկներից դալարուկ
Երանի թե վերադարձիդ դեպի տուն․
Կրծքիդ սեղմած վարդ ու մեխակ
Նազե նազ նազե նազ,
Դու պարտեզից ինձ մոտ գայիր
Վազե վազ, վազե վազ։